ഹര്ത്താലുമായി ഇനി സഹകരിക്കേണ്ടതില്ലെന്ന് കോഴിക്കോട് ചേര്ന്ന വ്യാപാരികളുടെ സംയുക്ത യോഗത്തില് തീരുമാനം. അടിക്കടിയുണ്ടാകുന്ന ഹര്ത്താലുകള് സംസ്ഥാനത്തെ വ്യാപാര മേഖലയുടെ നട്ടെല്ലൊടിക്കുന്ന സാഹചര്യത്തിലാണിത്. 2019 ഹര്ത്താല് വിരുദ്ധ വര്ഷമായി ആചരിക്കും. ഇക്കാര്യത്തില് സഹകരണം അഭ്യര്ഥിച്ച് രാഷ്ട്രീയ പാര്ട്ടി പ്രതിനിധികളുമായി ചര്ച്ച നടത്താനും യോഗത്തില് ധാരണയായതായി വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് ടി. നസറുദ്ദീന് വാര്ത്താ സമ്മേളനത്തില് പറഞ്ഞു. എന്നാല് വ്യാപാരികളുടെ ആവശ്യങ്ങള് നേടിയെടുക്കുന്നതിനായി കടകള് അടച്ചിട്ടുള്ള സമരം തുടരുമെന്നും അദ്ദേഹം അറിയിച്ചു.
Comments