എച്ച് 1 ബി വിസക്കാരുടെ ജീവിതപങ്കാളികള്ക്ക് യു.എസില് തൊഴില് ചെയ്യാന് അനുമതി നല്കുന്ന എച്ച്-4 വിസ നിര്ത്തലാക്കാനുള്ള തീരുമാനം മൂന്ന് മാസത്തിനുള്ളില് നിലവില് വരുമെന്ന് സര്ക്കാര് കോടതിയെ അറിയിച്ചു. കൊളംബിയ ജില്ലാ കോടതിയിലാണ് ഹോംലാന്ഡ് സെക്യൂരിറ്റി ഇക്കാര്യം വ്യക്തമാക്കിയത്. പതിനായിരക്കണക്കിന് ഇന്ത്യക്കാരെ ബാധിക്കുന്ന പരിഷ്കാരമാണിത്. 2015 മുതലാണ് എച്ച് 1 ബി വിസക്കാരുടെ ജീവിതപങ്കാളികള്ക്ക് എച്ച്-4 വിസയില് തൊഴില് ചെയ്യാന് അവസരം നല്കിത്തുടങ്ങിയത്. ഇതുവരെ എഴുപതിനായിരത്തിലേറെപ്പേര് എച്ച്-4 വിസയില് തൊഴില് ചെയ്തുവരുന്നുണ്ട്. ഇതില് 90 ശതമാനവും ഇന്ത്യക്കാരാണെന്ന് യു.എസ്. കുടിയേറ്റ നയ ഇന്സ്റ്റിറ്റ്യൂട്ടിന്റെ പഠനം പറയുന്നു.
Comments