ഓര്ത്തഡോക്സ് സഭയിലെ വൈദികര്ക്കെതിരായുള്ള ലൈംഗിക പീഡന ആരോപണത്തില് മൂന്ന് വൈദികരുടെ മുന്കൂര് ജാമ്യാപേക്ഷ ഹൈക്കോടതി തള്ളി. പ്രഥമ ദൃഷ്ട്യാ തെളിവുണ്ടെന്ന നിരീക്ഷണത്തെ തുടർന്നാണ് മൂവരുടെയും ജാമ്യാപേക്ഷ ഹൈക്കോടതി തള്ളിയത്.വൈദികരെ സംരക്ഷിക്കില്ലെന്ന് സഭയും വ്യക്തമാക്കി. വീട്ടമ്മയെ പീഡിപ്പിച്ച കേസിൽ ദല്ഹി ഭദ്രാസനത്തിലെ ഫാ. ജെയ്സ് കെ ജോര്ജ്, ഫാ. സോണി വര്ഗീസ്, ഫാ. ജോബ് മാത്യു എന്നിവര് സമര്പ്പിച്ച മുന്കൂര് ജാമ്യ ഹര്ജിയാണ് കോടതി തള്ളിയത്. വ്യക്തമായ മൊഴിയുള്ളതിനാല് പ്രതികളെ കസ്റ്റഡിയിലെടുത്ത് ചോദ്യം ചെയ്യേണ്ടത് അത്യാവശ്യമാണെന്ന ക്രൈംബ്രാഞ്ച് ആവശ്യം അംഗീകരിച്ചായിരുന്നു കോടതി നടപടി .അന്വേഷണസംഘത്തിന് തുടർനടപടികളുമായി മുന്നോട്ട് പോകാമെന്നും കോടതി വ്യക്തമാക്കി.
Comments