പി എസ് ശ്രീധരന് പിളളയുടെ വെളിപ്പെടുത്തലിന്റെ പശ്ചാത്തലത്തില് തന്ത്രി കണ്ഠര് രാജീവരില് നിന്ന് തിരുവിതാംകൂര് ദേവസ്വം ബോര്ഡ് വിശദീകരണം തേടി. മൂന്നു ദിവസത്തിനകം മറുപടി നല്കണമെന്ന് കാണിച്ചാണ് തന്ത്രിക്ക് നോട്ടീസ് നല്കിയത്. ശബരിമലയെ ഗൂഡാലോചനയുടെ കേന്ദ്രമാകാന് അനുവദിക്കില്ലെന്ന് ദേവസ്വം ബോര്ഡ് പ്രസിഡന്റ് എ. പത്മകുമാര് പറഞ്ഞു. തുലാമാസ പൂജയുടെ സമയത്ത് യുവതികള് സന്നിധാനത്തെത്തുന്നത് തടയാനാനായി നടയടയ്ക്കുന്നതു സംബന്ധിച്ച് കണ്ഠര് രാജീവര് താനുമായി ചര്ച്ച നടത്തിയിരുന്നെന്ന പിഎസ് ശ്രീധരന് പിളളയുടെ വെളിപ്പെടുത്തലിന്റെ പശ്ചാത്തലത്തിലാണ് തിരുവതാംകൂര് ദേവസ്വം ബോര്ഡ് നടപടി തുടങ്ങിയത്. തന്ത്രി കണ്ഠര് രാജീവര്ക്ക് കാരണം കാണിക്കല് നോട്ടീസ് നല്കിയതായും തന്ത്രിയുടെ വിശദീകരണത്തിനു ശേഷമാകും തുടര്നടപടികളെന്നും ദേവസ്വം ബോര്ഡ് അംഗം കെപി ശങ്കര് ദാസ് പറഞ്ഞു.
Comments