ഇടുക്കി അണക്കെട്ടില് ജലനിരപ്പ് വീണ്ടുമുയര്ന്നു. 2395.50 അടിയാണ് ചൊവ്വാഴ്ച ഉച്ചയ്ക്ക് രണ്ടു മണിക്ക് രേഖപ്പെടുത്തിയ ജലനിരപ്പ്. അണക്കെട്ടിന്റെ വൃഷ്ടിപ്രദേശങ്ങളിൽ മഴ തുടരുകയാണ്. തിങ്കളാഴ്ച രാത്രി ജലനിരപ്പ് 2395 അടിയായപ്പോള് ഡാം തുറക്കാനുള്ള സാധ്യത കണക്കിലെടുത്ത് പെരിയാര് തീരദേശവാസികള്ക്ക് അതിജാഗ്രതാ നിര്ദേശം (ഓറഞ്ച് അലര്ട്ട്) പ്രഖ്യാപിച്ചിരുന്നു. ഓറഞ്ച് അലര്ട്ട് പ്രഖ്യാപിച്ചതോടെ ഡാമിന് സമീപമുള്ള സുരക്ഷാ ക്രമീകരണങ്ങള് ജില്ലാ ഭരണകൂടം ശക്തമാക്കി.
Comments