ലണ്ടന്: പ്രധാനമന്ത്രി നരേന്ദ്ര മോദിക്ക് ബ്രിട്ടീഷ് പ്രധാനമന്ത്രി ഡേവിഡ് കാമറണിന്െറ ക്ഷണം. സ്വകാര്യ ഇംഗ്ളീഷ് ചാനലിന് നല്കിയ അഭിമുഖത്തിലാണ് മോദിക്ക് ആതിഥ്യം നല്കാന് ബ്രിട്ടണ് ആഗ്രഹിക്കുന്നതായി കാമറണ് വ്യക്തമാക്കിയത്.
ലോക്സഭാ തെരഞ്ഞെടുപ്പില് വിജയം നേടിയ മോദിയെ ആദ്യമായി അഭിനന്ദിച്ച് മുന്നോട്ടുവന്ന അന്താരാഷ്ട്ര നേതാക്കളില് ഒരാള് കാമറണ് ആയിരുന്നു. ബ്രിട്ടീഷ് പ്രധാനമന്ത്രിയായ ശേഷം താന് മൂന്ന് തവണ ഇന്ത്യ സന്ദര്ശിച്ചിട്ടുണ്ടെന്ന് കാമറണ് പറഞ്ഞു. ഇനിയും ഇന്ത്യ സന്ദര്ശിക്കാന് ആഗ്രഹമുണ്ട്. മോദിയെ സ്വീകരിക്കാന് ബ്രിട്ടണ് തയാറാണെന്നും കാമറണ് അറിയിച്ചു.
ബ്രിട്ടനിലെ തെരഞ്ഞെടുപ്പില് ഇന്ത്യന് വംശജര് പ്രധാന പങ്ക് വഹിക്കുന്നുണ്ട്. രാജ്യത്തിന്െറ സമ്പദ് രംഗത്തും സുപ്രധാന സംഭാവന അവര് നല്കുന്നുണ്ട്. അതുകൊണ്ടു തന്നെ രാഷ്ട്രീയ പാര്ട്ടികള് അവര്ക്ക് ചെവികൊടുക്കണമെന്നും കാമറണ് പറഞ്ഞു.
കശ്മീര് പ്രശ്നത്തില് ഇടപെടാന് ബ്രിട്ടണ് ആഗ്രഹിക്കുന്നില്ലെന്നും കാമറണ് വ്യക്തമാക്കി. ഇന്ത്യയും പാകിസ്താനും തമ്മിലുള്ള പ്രശ്നമാണത്. അവര് തന്നെ അത് ചര്ച്ച ചെയ്ത് പരിഹരിക്കണം. മറ്റുള്ളവര് അതില് ഇടപെടുന്നത് ശരിയല്ലെന്നും അദ്ദേഹം കൂട്ടിച്ചേര്ത്തു.
അടുത്ത തെരഞ്ഞെടുപ്പില് കാമറണ് മത്സരിക്കുന്നുണ്ട്. ഇതിന് മുന്നോടിയായി ബ്രിട്ടണിലെ ഇന്ത്യന് വംശജരെ അടുപ്പിക്കാനുള്ള ശ്രമത്തിന്െറ ഭാഗമാണ് കാമറണിന്െറ പ്രസ്താവനകളെന്നാണ് കരുതപ്പെടുന്നത്.
Comments