തിരുവനന്തപുരം: തന്‍െറ ശുചീകരണ പദ്ധതി ജനകീയമാക്കിയതിന് പ്രധാനമന്ത്രി നരേന്ദ്ര മോദിക്ക് നന്ദി അറിയിച്ച് ശശി തരൂരിന്‍െറ ട്വീറ്റ്. വിഴിഞ്ഞത്തെ ശുചിത്വപരിപാടിയെ വിവരിക്കുന്ന വീഡിയോയും ഇതോടൊപ്പം ശശി തരൂര്‍ ട്വിറ്ററില്‍ പോസ്റ്റ് ചെയ്തിട്ടുണ്ട്.

നെഹ്റു തുടങ്ങി വച്ച പദ്ധതി തുടരുന്നതിന് നരേന്ദ്ര മോദിക്ക് നന്ദി. ആക്കുളം-കന്യാകുമാരി കനാലായ പാര്‍വതി പുത്തനാര്‍ ശുചീകരണത്തിന് സഹായം അനുവദിക്കണമെന്നും വീഡിയോയിലൂടെ പ്രധാനമന്ത്രിയോട് തരൂര്‍ ആവശ്യപ്പെടുന്നുണ്ട്. താനിതില്‍ ആരുടെയും രാഷ്ട്രീയം നോക്കിയിട്ടില്ലെന്നും പൊതുജനങ്ങളുടെ പങ്കാളിത്തം ഉറപ്പു വരുത്താന്‍ പദ്ധതിയില്‍ നമുക്കെല്ലാം ഒന്നിക്കാമെന്നും തരൂര്‍ വീഡിയോയില്‍ പറയുന്നു.

തരൂരിന്‍െറ ശുചീകരണ പരിപാടിയെ പ്രകീര്‍ത്തിച്ച് കഴിഞ്ഞദിവസം മോദി ട്വീറ്റ് ചെയ്തിരുന്നു. തരൂര്‍ ട്വീറ്റ് ചെയ്ത ചിത്രങ്ങള്‍ മോദി റീട്വീറ്റും ചെയ്തിരുന്നു. ശശി തരൂരിന്‍്റേതു മഹത്തായ ഉദ്യമമാണെന്നും അദ്ദേഹത്തിന്‍െറ സജീവ പങ്കാളിത്തം സ്വച്ഛ് ഭാരത് പദ്ധതിക്കു വലിയ പ്രോത്സാഹനമായി എന്നുമായിരുന്നു മോദിയുടെ ട്വീറ്റ്.