മുന്‍ കേന്ദ്രമന്ത്രി ശശി തരൂരിന്റെ ഭാര്യ സുനന്ദ പുഷ്‌കറിനെ മരിച്ച നിലയില്‍ കാണപ്പെട്ട ഹോട്ടല്‍ മുറിയില്‍നിന്ന് അവരുടെ ബാഗും ചെരിപ്പും വസ്ത്രങ്ങളും നഷ്ടപ്പെട്ടതായി വെളിപ്പെടുത്തല്‍. ഒന്‍പത് മാസത്തിനുശേഷം മുറി പരിശോധിച്ച ഡല്‍ഹി പോലീസ് സംഘമാണ് സുനന്ദ സൂക്ഷിച്ചിരുന്ന വസ്തുക്കള്‍ കാണാതായതായി വെളിപ്പെടുത്തിയത്.

ഹോട്ടലില്‍ എത്തിയപ്പോള്‍ സുനന്ദ ധരിച്ചിരുന്ന വസ്ത്രങ്ങള്‍ ഇപ്പോള്‍ മുറിയില്‍ ഇല്ലെന്ന് പോലീസിനെ ഉദ്ധരിച്ച് മാധ്യമങ്ങള്‍ റിപ്പോര്‍ട്ട് ചെയ്തു. നിശാവസ്ത്രം ധരിച്ച നിലയിലായിരുന്നു അവരുടെ മൃതദേഹം കണ്ടെത്തിയത്. അവരുടെ ബാഗും ചെരിപ്പും ഹോട്ടല്‍മുറിയില്‍ ഇപ്പോള്‍ ഇല്ല. ഗുളികകള്‍ സൂക്ഷിച്ചിട്ടുള്ള മറ്റൊരു ബാഗ് മാത്രമാണ് പോലീസിന് കണ്ടെത്താന്‍ കഴിഞ്ഞത്.