മോദി തരംഗത്തിന്റെ പിന്‍ബലത്തില്‍ ന്യൂഡല്‍ഹിയില്‍ ബി ജെ പിക്ക് കേവല ഭൂരിപക്ഷം ലഭിക്കുമെന്ന് അഭിപ്രായ സര്‍വെ ഫലം. കഴിഞ്ഞ തിരഞ്ഞെടുപ്പില്‍ 28 സീറ്റുകളില്‍ വിജയിച്ച ആം ആദ്മി പാര്‍ട്ടിക്ക് 18 ഓളം സീറ്റുകള്‍ മാത്രമാവും ലഭിക്കുക. എട്ടുസീറ്റില്‍ വിജയിച്ച കോണ്‍ഗ്രസിന് അഞ്ചോളം സീറ്റുകളില്‍ മാത്രമെ വിജയിക്കാന്‍ കഴിയൂവെന്നും സര്‍വെ പ്രവചിക്കുന്നു.
ഡല്‍ഹി മുഖ്യമന്ത്രിയാകാന്‍ ഏറ്റവും യോഗ്യന്‍ അരവിന്ദ് കെജ്‌രിവാളാണെന്ന് സര്‍വെയില്‍ പങ്കെടുത്ത 39 ശതമാനംപേര്‍ അഭിപ്രായപ്പെട്ടു. എട്ടുശതമാനം പേര്‍ ബി ജെ പി നേതാവ് ഹര്‍ഷ വര്‍ധനെ പിന്തുണച്ചു. ഏഴു ശതമാനംപേര്‍ മാത്രമാണ് കോണ്‍ഗ്രസ് നേതാവ് ഷീല ദീക്ഷിത് മുഖ്യമന്ത്രിയാകാന്‍ യോഗ്യയാണെന്ന് അഭിപ്രായപ്പെട്ടത്.
Comments