തൃശൂര്‍: വ്യവസ്ഥാപിത സര്‍ക്കാരിനെ അട്ടിമറിക്കാന്‍ ഗൂഢാലോചന നടത്തിയതിന് ബാറുടമകള്‍ക്കെതിരെ കേസെടുക്കണമെന്ന് കേരള കോണ്‍ഗ്രസ്-എം ജനറല്‍ സെക്രട്ടറി തോമസ് ഉണ്ണിയാടന്‍ എം.എല്‍.എ ആവശ്യപ്പെട്ടു. ബാറുടമാ സംഘടനയുടെ യോഗത്തെക്കുറിച്ച് ഒരു ദൃശ്യമാധ്യമത്തില്‍ വന്ന ഒളികാമറാ വിവരങ്ങള്‍ പ്രകാരം സര്‍ക്കാരിനെ അട്ടിമറിക്കാനുള്ള ചര്‍ച്ചയും ഗൂഢാലോചനയുമാണ് നടന്നതെന്ന് വ്യക്തമാണ്. ഇതിനെതിരെ സ്വാഭാവികമായും കേസെടുക്കേണ്ടതാണ്. ബാറുടമകളുടെ സംഘടനയുടെ യോഗമായത് കൊണ്ട് ഒരു വ്യക്തിക്കെതിരെ കേസെടുത്താല്‍ പോര. ഇക്കാര്യത്തില്‍ പരാതി നല്‍കാന്‍ വ്യക്തിപരമായി ഉദ്ദേശിക്കുന്നില്ലെന്നും ഉണ്ണിയാടന്‍ പറഞ്ഞു.