പാമ്പാര് നദിക്ക് കുറുകെ അണക്കെട്ട് നിര്മിക്കരുതെന്ന് കേരളത്തെ ഉപദേശിക്കണമെന്ന് പ്രധാനമന്ത്രി നരേന്ദ്രമോദിയോട് തമിഴ്നാട് മുഖ്യമന്ത്രി ഒ.പനീര്ശെല്വം. കാവേരി മാനേജ്മെന്റ് ബോര്ഡും കാവേരി വാട്ടര് റെഗുലേഷന് കമ്മറ്റിയും ഉടന് രൂപവത്കരിക്കണമെന്നും പ്രധാനമന്ത്രിക്ക് അയച്ച കത്തില് പറയുന്നു.
കേരള സര്ക്കാര് തമിഴ്നാട് - കേരള അതിര്ത്തിയിലെ പട്ടിച്ചേരിയിലാണ് 26 കോടി മുടക്കി പുതിയ അണക്കെട്ട് പണിയാന് തീരുമാനമെടുത്തത്. ഇത് നിയമവിരുദ്ധമാണ്. കാവേരി ട്രിബ്യൂണലിന്റെ 2007-ലെ അവസാനത്തെ ഉത്തരവിന്റെ ലംഘനമാണ് തീരുമാനം. കാവേരി മാനേജ്മെന്റ് ബോര്ഡിന്റെയും തമിഴ്നാട് സര്ക്കാരിന്റെയും അനുവാദമില്ലാതെ നിര്മാണപ്രവര്ത്തനങ്ങള് സാധ്യമല്ല എന്നാണ് ഉത്തരവ്.
Comments