ഉത്തരാഖണ്ഡില് തടാകത്തിന്റെ വലിപ്പം കൂടുന്നതിന് തെളിവുമായി ഉപഗ്രഹചിത്രങ്ങള്. നീതി താഴ്വരയില് മന്ദാകിനി നദിയുടെ വൃഷ്ടിപ്രദേശത്തെ തടാകത്തിന്റെ വ്യാസം കൂടുന്നുവെന്നാണ് കണ്ടെത്തല്. തടാകത്തില് ജലം ഒഴുകിപ്പോകാതെ നിലനില്ക്കുന്നത് സമീപഭാവിയില് ഭീഷണിയായേക്കാമെന്ന് വിദഗ്ധര് പറയുന്നു. 2001 ലാണ് ഇത്തരത്തിലൊരു തടാകരൂപീകരണം ശ്രദ്ധയില് പെട്ടത്. അന്ന് മുതല് അതിന്റെ വിസ്താരം കൂടിക്കൊണ്ടിരിക്കുന്നതായി ഉപഗ്രഹചിത്രങ്ങള് സൂചിപ്പിക്കുന്നു. ഉത്തരാഖണ്ഡ് സ്പേസ് ആപ്ലിക്കേഷന് സെന്റര്(യുഎസ്എസി) തടാകരൂപീകരണത്തെക്കുറിച്ച് അധികൃതരെ അറിയിക്കുകയും കൂടുതല് പഠനങ്ങള്ക്കായി വാദിയ ഇന്സ്റ്റിട്യൂട്ട് ഓഫ് ജിയോളജി(ഡബ്ല്യുഐഎച്ച്ജി)യോട് നിര്ദേശിക്കുകയും ചെയ്തിട്ടുണ്ട്.
Comments