ഗോവ മുഖ്യമന്ത്രിയായി ലക്ഷ്മികാന്ത് പര്സേകര് ചുമതലയേറ്റു. ഗവര്ണര് മൃദുല സിന്ഹയാണ് പര്സേകറിന് സത്യവാചകം ചൊല്ലിക്കൊടുത്തത്. നേരത്തെ ബി.ജെ.പി പാര്ലമെന്ററി കമ്മിറ്റിയാണ് പര്സേകറിനെ ഗോവ മുഖ്യമന്ത്രിയായി തെരഞ്ഞെടുത്തത്. ഐക്യകണേ്ഠനയാണ് പര്സേകര് തെരഞ്ഞെടുക്കപ്പെട്ടതെന്ന് ബി.ജെ.പി നേതാവ് രാജീവ് പ്രതാപ് റൂഡി അറിയിച്ചു.
കേന്ദ്ര മന്ത്രിയായിപ്പോകുന്ന മനോഹര് പരീകര് രാജിവെച്ചതിനെത്തുടര്ന്നാണ് നിലവില് ആരോഗ്യമന്ത്രിയായ പര്സേകര് മുഖ്യമന്ത്രിയാകുന്നത്. ഇന്ന് ഉച്ചക്ക് മുമ്പാണ് മനോഹര് പരീകര് രാജിവെച്ചത്.
കഴിഞ്ഞ ദിവസമാണ് കേന്ദ്രമന്ത്രിയാകാന് പരീകറിനെ പ്രധാനമന്ത്രി നരേന്ദ്രമോദി ക്ഷണിച്ചത്. ഇപ്പോള് അരുണ് ജെയ്റ്റ്ലി കൈകാര്യം ചെയ്യുന്ന പ്രതിരോധ മന്ത്രിസ്ഥാനമായിരിക്കും അദ്ദേഹത്തിന് ലഭിക്കുക.
Comments