മഹാരാഷ്ട്രയില്‍ സഖ്യകക്ഷികളെ കണ്ടെത്തി സര്‍ക്കാര്‍ രൂപവത്കരിക്കാനുള്ള ശ്രമങ്ങള്‍ പാതിവഴിയില്‍ നില്‍ക്കെ, കേന്ദ്രമന്ത്രിയായ നിതിന്‍ ഗഡ്കരിയെ മുഖ്യമന്ത്രിയാക്കണമെന്ന് ബി.ജെ.പി.യിലെ ഒരു വിഭാഗം ആവശ്യപ്പെട്ടു.
ചൊവ്വാഴ്ച തിരഞ്ഞെടുപ്പ് വിജയത്തിനുശേഷം ആദ്യമായി നാഗ്പുരിലെത്തിയ ഗഡ്കരിക്ക് ഒരുക്കിയ വന്‍ സ്വീകരണത്തിനുശേഷമാണ് നാല്പതോളം എം.എല്‍.എ.മാര്‍ ഗഡ്കരിയോട് മുഖ്യമന്ത്രിപദമേറ്റെടുക്കാന്‍ ആവശ്യപ്പെട്ടത്. വിദര്‍ഭ മേഖലയിലുള്ളവരാണ് ഈ എം.എല്‍.എ.മാരെല്ലാം. ബി.ജെ.പി.യുടെ മുന്‍ സംസ്ഥാന പ്രസിഡന്റായ സുധീര്‍ മുംഗത്തിവാറും പത്രലേഖകരോട് സംസാരിക്കുമ്പോള്‍ ഇതേ ആവശ്യമുയര്‍ത്തി. ശിവസേനയോട് മൃദുസമീപനം കാണിക്കാത്ത ഗഡ്കരിയെ മുഖ്യമന്ത്രിയാക്കണമെന്ന ആവശ്യം ബി.ജെ.പി.യില്‍ ഉയരുന്നത് സേനയ്ക്ക് വ്യക്തമായ സന്ദേശം നല്‍കുന്ന നടപടിയാണ്.
Comments