ഹരിയാന നിയമസഭ തെരഞ്ഞെടുപ്പിലെ കനത്ത തോല്‍വി അംഗീകരിച്ച് സംസ്ഥാന കോണ്‍ഗ്രസ് നേതൃത്വം രംഗത്തെത്തി. ജനഹിതം ബഹുമാനത്തോടെ മാനിക്കുന്നുവെന്നും കോണ്‍ഗ്രസ് ശക്തമായി തിരിച്ചുവരുമെന്ന് പ്രദേശ് കോണ്‍ഗ്രസ് അധ്യക്ഷന്‍ അശോക് തന്‍വാര്‍ പറഞ്ഞു.മുഖ്യമന്ത്രിയായിരുന്ന ഭൂപീന്ദര്‍ സിംഗ് ഹൂഡ വിജയിച്ചത് കോണ്‍ഗ്രസിന് ആശ്വാസമായി. റോഹ്തക് ജില്ലയിലെ ഗാര്‍ഹി സാംപ്‌ല കിലോയ് മണ്ഡലത്തില്‍ നിന്നാണ് ഹൂഡ തെരഞ്ഞെടുക്കപ്പെട്ടത്. ഹൂഡ മന്ത്രിസഭയിലെ വിദ്യാഭ്യാസ മന്ത്രി ഗീത ഭുക്കല്‍ ഝാജര്‍ മണ്ഡലത്തില്‍ നിന്നും വിജയിച്ചു.
90 അംഗ നിയമസഭയില്‍ 52 സീറ്റുകളില്‍ ലീഡ് നിലനിര്‍ത്തി ബിജെപി അധികാരം ഉറപ്പിച്ച നിലയിലാണ്. 18 സീറ്റില്‍ ലീഡ് നിലനിര്‍ത്തി ഐഎന്‍എല്‍ഡി കോണ്‍ഗ്രസിനെ പിന്തള്ളി രണ്ടാം സ്ഥാനത്തുണ്ട്.
Comments