നടിയും മീററ്റിലെ കോണ്‍ഗ്രസ് സ്ഥാനാര്‍ഥിയുമായ നഗ്മയ്ക്ക് സുരക്ഷ വര്‍ധിപ്പിക്കണമെന്ന് കോണ്‍ഗ്രസ് തെരഞ്ഞെടുപ്പ് കമ്മീഷനോട് ആവശ്യപ്പെട്ടു. തെരഞ്ഞെടുപ്പ് പ്രചാരണത്തിനിടെ ജനക്കൂട്ടത്തില്‍നിന്ന് നഗ്മയ്ക്കു നേരെ അതിക്രമം വര്‍ധിച്ച സാഹചര്യത്തിലാണിത്. കഴിഞ്ഞ ദിവസം മീററ്റില്‍ റാലിക്കിടെ നഗ്മയെ കടന്നുപിടിക്കാനും അപമാനിക്കാനും ശ്രമിച്ചിരുന്നു. ഇയാളെ നഗ്മ അടിച്ചതും വിവാദമായി. ഈ സാഹചര്യത്തിലാണ് കോണ്‍ഗ്രസ് തെരഞ്ഞെടുപ്പ് കമ്മീഷന് കത്ത് നല്‍കിയത്.