വധശിക്ഷ റദ്ദാക്കണമെന്ന് ആവശ്യപ്പെട്ട് നിതാരി കൂട്ടക്കൊലക്കേസിലെ പ്രതി സുരീന്ദര്‍ കോലി സമര്‍പ്പിച്ച ഹര്‍ജി സുപ്രീം കോടതി തള്ളി. ചീഫ് ജസ്റ്റിസ് എച്ച്.എല്‍.ദത്തു അധ്യക്ഷനായ ബെഞ്ചാണ് ഹര്‍ജി തള്ളിയത്.കേസില്‍ കോലിക്ക് മതിയായ നിയമപരിരക്ഷ ലഭിച്ചില്ലെന്ന മുതിര്‍ന്ന അഭിഭാഷകന്‍ രാം ജഠ്മലാനിയുടെ വാദം കോടതി അംഗീകരിച്ചില്ല. ഇനി മുതല്‍ എല്ലാ കേസിലും പ്രതികള്‍ക്ക് നിയമപരിരക്ഷ വിചാരണ കോടതികള്‍ ഉറപ്പു വരുത്തണമെന്നും സുപ്രീം കോടതി നിരീക്ഷിച്ചു.
Comments