You are Here : Home / News Plus

കൊച്ചിയില്‍ സ്വകാര്യബസ് സമരം

Text Size  

Story Dated: Tuesday, July 15, 2014 12:35 hrs EDT

കൂലിവര്‍ധന ആവശ്യപ്പെട്ട് കൊച്ചിയിലെ സ്വകാര്യബസ് തൊഴിലാളികളുടെ സൂചനാ സമരം തുടങ്ങി. നഗരത്തിലെ സിറ്റിബസുകള്‍ ഒന്നും നിരത്തിലിറങ്ങിയിട്ടില്ല. 20 ശതമാനം കൂലി വര്‍ധന ആവശ്യപ്പെട്ടാണ് തൊഴിലാളികള്‍ സമരം ചെയ്യുന്നത്. ബസ് ചാര്‍ജ് വര്‍ധിപ്പിച്ച സമയത്ത് തൊഴിലാളികള്‍ക്ക് പ്രതിദിനം 50 രൂപയോളം വര്‍ദ്ധന നല്‍കിയിട്ടുണ്ടെന്നും ഇനി കൂലി കൂട്ടാന്‍ സാധിക്കില്ലെന്നുമാണ് ബസുടമകളുടെ നിലപാട്. രാവിലെ ആറുമുതല്‍ വൈകീട്ട് ആറുവരെയാണ് പണിമുടക്ക്. ഐ.എന്‍.ടി.യു.സി, ബി.എം.എസ്, ടി.യു.സി.ഐ, എച്ച്.എം.എസ്, എസ്.ടി.യു എന്നിവ ഉള്‍പ്പെടെ പത്ത് സംഘടനകള്‍ അടങ്ങിയ തൊഴിലാളി സമരസമിതിയുടെ നേതൃത്വത്തിലാണ് സമരം. നഗരത്തിലെ സ്വകാര്യബസുകളിലെ തൊഴിലാളികള്‍ മാത്രമാണ് സമരത്തില്‍ പങ്കെടുക്കുന്നത്. 

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.