ആഭ്യന്തരയുദ്ധം നടക്കുന്ന ഇറാഖിലെ മൊസൂളില്നിന്ന് ബന്ദിയാക്കപ്പെട്ട ഒരു ഇന്ത്യന് വംശജന് രക്ഷപ്പെട്ടു. ഇയാള് സുരക്ഷിതനാണെന്ന് റെഡ് ക്രസെന്റ് പ്രവര്ത്തകര് അറിയിച്ചു. അതിനിടെ, തട്ടിക്കൊണ്ടുപോയ ഇന്ത്യക്കാര് എവിടെയാണെന്ന് വിവരം ലഭിച്ചതായി വിദേശകാര്യ വക്താവ് സയിദ് അക്ബറുദ്ദീന് പറഞ്ഞു. ഇറാഖ് വിദേശകാര്യമന്ത്രാലയമാണ് ഇന്ത്യയെ ഇക്കാര്യമറിയിച്ചത്. ഇറാഖ് സര്ക്കാര് നല്കിയ വിവരങ്ങള് ഇപ്പോള് വെളിപ്പെടുത്താനാവില്ല. പരിശോധിച്ച് ഉറപ്പുവരുത്തിയ വിവരങ്ങള് മാത്രമേ പുറത്തുവിടാനാകൂ- വിദേശകാര്യ വക്താവ് പറഞ്ഞു.
ബന്ദിയാക്കപ്പെട്ട 40 ഇന്ത്യക്കാരില് ഏറെയും പഞ്ചാബില്നിന്നുള്ളവരാണ്.
Comments