കേസിലെ കക്ഷികളായ ഹാജി മഹ്ബൂബ്, മൗലാന ഹിസ്ബുള്ള, കേസിലെ ആദ്യകക്ഷികളിൽ ഒരാളായ ഹാജി അബ്ദുൾ അഹമ്മദിന്റെ മക്കളായ ഹാജി അസദ് അഹമ്മദും ഹഫീസ് റിസ്വാൻ എന്നിവരാണ് പുനഃപരിശോധനാ ഹർജി നൽകാൻ ഒരുങ്ങുന്നത്. ഹാജി അസദ് അഹമ്മദും ഹഫീസ് റിസ്വാനും ഒറ്റക്കക്ഷിയായാണ് കോടതിയെ സമീപിക്കുക. ഇവർ അടുത്ത ദിവസം തന്നെ ഹർജി സമർപ്പിച്ചേക്കും. ഭരണഘടനാ ബെഞ്ച് വിധിക്കെതിരെ പുനഃപരിശോധനാ ഹർജികൾ നൽകാൻ ഇതിനോടകം ഏഴു മുസ്ലിം കക്ഷികൾ തീരുമാനിച്ചിട്ടുണ്ട്.