ഇറാക്കില്‍ നിന്ന് മലയാളികളെ  നാട്ടിലെത്തിക്കാന്‍ കേന്ദ്രം ആവശ്യമായ നടപടി സ്വീകരിക്കണമെന്ന് ആവശ്യപ്പെട്ട് മുഖ്യമന്ത്രി  ഉമ്മന്‍ ചാണ്ടി പ്രധാനമന്ത്രി നരേന്ദ്ര മോഡിക്ക് കത്തയച്ചു. മന്ത്രി കെസി ജോസഫാണ് ഈ കാര്യം നിയമസഭയില്‍ അറിയിച്ചത്. ഇറാക്കില്‍ നിന്ന് മലയാളികളെ തിരികെയെത്തിക്കാനുള്ള യാത്രാചെലവ് കേന്ദ്ര സര്‍ക്കാര്‍ വഹിക്കണം. കേന്ദ്രം ചെലവ് വഹിച്ചില്ലെങ്കില്‍ സംസ്ഥാന  സര്‍ക്കാര്‍ ഇതിന് തയാറാണെന്നും കെസി ജോസഫ് നിയമസഭയില്‍ പറഞ്ഞു. ഇതേ ആവശ്യമുന്നയിച്ച് കെപിസിസി  അധ്യക്ഷന്‍ വിഎം സുധീരനും പ്രധാനമന്ത്രിക്ക് കത്തയച്ചു.