കെ.ബി ഗണേശ് കുമാറിന് മന്ത്രി സ്ഥാനം നല്‍കാന്‍ യു.ഡി.എഫ് മന്ത്രിസഭ തയ്യാറാവണമെന്ന് കേരള കോണ്‍ഗ്രസ് ബി നേതാവ് ആര്‍. ബാലകൃഷ്ണപിള്ള. കോണ്‍ഗ്രസിനോട് പ്രതികാരം ചെയ്യണമെന്ന് തനിക്കുണ്ടായിരുന്നെങ്കില്‍ അത് തിരഞ്ഞെടുപ്പിന് മുമ്പ് ആവാമായിരുന്നെന്നും അദ്ദേഹം പറഞ്ഞു. ഗണേശ് കുമാറിന് മന്ത്രി സ്ഥാനം പിന്നീട് തിരിച്ചു നല്‍കാമെന്ന് വാഗാദാനം നല്‍കിയതിനാലാണ് അദ്ദേഹം രാജിവെച്ചതെന്നും പിള്ള പറഞ്ഞു. മന്ത്രി സ്ഥാനത്തിന് അനൂപ് ജേക്കബിനെക്കാള്‍ യോഗ്യന്‍ ഗണേശ് കുമാറാണെന്നും അദ്ദേഹം കൂട്ടിച്ചേര്‍ത്തു.