ജനങ്ങളുടെ പരാതി കേള്ക്കുന്നതിനായി അരവിന്ദ് കെജ്രിവാള് സര്ക്കാര് സംഘടിപ്പിച്ച ആദ്യ ജനതാ ദര്ബാര് പിരിച്ചു വിട്ടു. ജനത്തിരക്ക് നിയന്ത്രിക്കാന് കഴിയാതെ വന്നതോടെയാണ് ജനതാ ദര്ബാര് സര്ക്കാര് അവസാനിപ്പിച്ചത്. പരാതി കേള്ക്കാന് മന്ത്രിമാരെത്തി അല്പ്പ സമയം കഴിഞ്ഞപ്പോള് തന്നെ ജനം തിക്കും തിരക്കും ഉണ്ടാക്കാന് തുടങ്ങിയിരുന്നു. ബാരിക്കേഡുകള് തീര്ത്ത് നിയന്ത്രിക്കാന് ശ്രമിച്ചിട്ടും പരാജയപ്പെടുന്ന കാഴ്ച്ചയായിരുന്നു സെക്രട്ടേറിയേറ്റിന് മുന്നില് കണ്ടത്. ജനത്തിരക്ക് ഏറിയതോടെ സുരക്ഷാ ഉദ്യോഗസ്ഥര് അരവിന്ദ് കെജ്രിവാളിനെ ദര്ബാര് വേദിയില് നിന്നും മാറ്റി.പിന്നീട് തിരികെ എത്തിയ കെജ്രിവാള് പരിപാടിയുടെ സംഘാടനത്തില് പിഴവുണ്ടായെന്നും അതിന് എല്ലാവരോടും മാപ്പ് ചോദിക്കുന്നതായും പറഞ്ഞ് മടങ്ങി.
Comments