ഫറോക്ക് മേഖലയില്‍ വീണ്ടും ഭൂചലനമുണ്ടായത് ജനങ്ങളില്‍ പരിഭ്രാന്തി പരത്തി. ചൊവ്വാഴ്ച രാത്രി 9.18നാണ് നാല് സെക്കന്‍ഡോളം ഭൂചലനമനുഭവപ്പെട്ടത്. കരുവന്‍തിരുത്തി, ചാലിയം, കണ്ടലുണ്ടി, ബേപ്പൂര്‍, മാങ്കാവ്, മീഞ്ചന്ത, പന്നിയങ്കര തുടങ്ങിയ പ്രദേശങ്ങളിലാണ് ഭൂചലനം ഉണ്ടായത്. കഴിഞ്ഞയാഴ്ച നാലുദിവസം ഭൂചലനം അനുഭവപ്പെട്ടിരുന്നു.
തിരുവനന്തപുരം സെസില്‍നിന്നുള്ള ശാസ്ത്ര സംഘം കഴിഞ്ഞയാഴ്ച ഭൂചലനം അനുഭവപ്പെട്ട സ്ഥലങ്ങളില്‍ പരിശോധന നടത്തിയിരുന്നു. ജില്ലാ കലക്ടറുടെ ആവശ്യപ്രകാരമാണ് ശാസ്ത്രസംഘമത്തെിയത്. കടലോര മേഖലയിലാണ് ഭൂചലനം കൂടുതല്‍ അനുഭവപ്പെട്ടിരുന്നത്.