You are Here : Home / News Plus

സിപിഎമ്മിനെതിരെ രൂക്ഷ വിമര്‍ശനവുമായി കെ മുരളീധരന്‍

Text Size  

Story Dated: Sunday, June 30, 2019 06:08 hrs EDT

സിപിഎമ്മിനെതിരെ രൂക്ഷ വിമര്‍ശനവുമായി കെ മുരളീധരന്‍ എംപി. കയ്യൂക്ക് കൊണ്ട് കളിച്ചതാണ് സി.പി.എമ്മിന് ഇത്ര വലിയ പരാജയം നേരിടാന്‍ കാരണമായതെന്നും, പാര്‍ട്ടി ഗ്രാമങ്ങള്‍ ഇനി അധികകാലം നിലനില്‍ക്കില്ലെന്നും അദ്ദേഹം വിമര്‍ശിച്ചു. തലശ്ശേരിയിലെ ബൂത്ത് ഏജന്റുമാരെ ആദരിക്കുന്ന ചടങ്ങില്‍ പങ്കെടുത്ത് സംസാരിക്കുകയായിരുന്നു മുരളീധരന്‍.

സിപിഎമ്മിനു 12 കോടി രൂപയോ 13 കോടി രൂപയോ ഒന്നും പ്രശ്നമല്ലെന്നു ചില കേസുകള്‍ ഒതുക്കിയതിലൂടെ നമുക്കു മനസ്സിലാക്കാം. ബിനോയ് കോടിയേരിയുടെ കാര്യം ഏവര്‍ക്കും അറിയാം. മഹാരാഷ്ട്ര ഭരിക്കുന്നത് ആരെന്നും അറിയാം. കേരളത്തില്‍ തടവില്‍ കഴിയുന്ന ബിജെപിക്കാരെ വിട്ടയക്കുന്നതിലൂടെ ബിനോയ് പ്രശ്നം തീരും. അല്ലെങ്കില്‍ ബിനോയ് ജയിലില്‍ പോകേണ്ടിവരുമെന്നും മുരളീധരന്‍ പറഞ്ഞു.

ബി.ജെ.പിക്കാര്‍ നഷ്ടക്കച്ചവടത്തിനു നില്‍ക്കാന്‍ അത്രമാത്രം ഉദാരമനസ്‌ക്കരല്ല. സിപി.ഐ.എമ്മും ബി.ജെ.പിയും അസഹിഷ്ണുതയുടെ പ്രതീകമാണ്. വ്യവസായം തുടങ്ങാന്‍ വരുന്നവര്‍ക്ക് ഒരു മുഴം കയര്‍ എന്നതാണു സംസ്ഥാന സര്‍ക്കാരിന്റെ നയമെന്നും മുരളിധരന്‍ വിമര്‍ശിച്ചു.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From News Plus
More
View More
More From Featured News
View More