You are Here : Home / News Plus

ആംബുലന്‍സ് അഴിമതി: പ്രമുഖര്‍ക്കെതിരെ കേസെടുത്തു

Text Size  

Story Dated: Wednesday, June 11, 2014 01:53 hrs EDT

108 ആംബുലന്‍സ് നടത്തിപ്പുമായി ബന്ധപ്പെട്ട അഴിമതിക്കേസില്‍ മുന്‍ മുഖ്യമന്ത്രി അശോക് ഗെലോട്ട്, മുന്‍ കേന്ദ്രമന്ത്രി സച്ചിന്‍ പൈലറ്റ് എന്നിവര്‍ അടക്കമുള്ളവര്‍ക്കെതിരെ രാജസ്ഥാന്‍ പോലീസ് കേസെടുത്തു. രാജസ്ഥാന്‍ മുന്‍ ആരോഗ്യമന്ത്രി എ എ ഖാന്‍ , മുന്‍ കേന്ദ്രമന്ത്രി പി ചിദംബരത്തിന്റെ മകന്‍ കാര്‍ത്തി ചിദംബരം, വയലാര്‍ രവിയുടെ മകന്‍ രവി കൃഷ്ണ, കേരള മുഖ്യമന്ത്രി ഉമ്മന്‍ചാണ്ടിയുടെ മുന്‍ ഉപദേഷ്ടാവ് ഷാഫി മേത്തര്‍ എന്നിവരും കേസില്‍ ഉള്‍പ്പെട്ടിട്ടുണ്ടെന്ന് അന്വേഷണ ചുമതലമുള്ള സാവന്ത് സിങ് വാര്‍ത്താ ഏജന്‍സിയോട് പറഞ്ഞു.
ആംബുലന്‍സ് നടത്തിപ്പുമായി ബന്ധപ്പെട്ട് കോണ്‍ഗ്രസ് ഭരണകാലത്ത് 2.56 കോടിയുടെ ക്രമക്കേട് നടന്നുവെന്നാണ് ആരോപണം. മുന്‍ ജയ്പുര്‍ മുനിസിപ്പല്‍ കോര്‍പ്പറേഷന്‍ മേയര്‍ പങ്കജ് ജോഷി കഴിഞ്ഞവര്‍ഷം ജൂലായില്‍ നല്‍കിയ പരാതിയുടെ അടിസ്ഥാനത്തിലാണ് കേസെടുത്തിട്ടുള്ളത്. 

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.