കൊറിയന്‍ മുനമ്പില്‍ സമാധനം അരക്കിട്ടുറപ്പിക്കാന്‍ കിമ്മും മൂണും ഒരിക്കല്‍ കൂടി കണ്ടുമുട്ടുന്നു. സെപ്റ്റംബര്‍ 18 മുതല്‍ 20 വരെ ഉത്തര-ദക്ഷിണ കൊറിയന്‍ നേതാക്കള്‍ കൂടിക്കാഴ്ച നടത്താന്‍ തീരുമാനിച്ചു. ഉത്തര കൊറിയന്‍ തലസ്ഥാനമായ പ്യോങ്ങ്യാങ്ങിലാകും കൂടിക്കാഴ്ച. കൊറിയന്‍ മുനമ്പിനെ പൂര്‍ണമായും ആണവമുക്തമാക്കാനുള്ള തന്റെ തീരുമാനത്തെക്കുറിച്ച് കിം ജോങ് പുനപ്രഖ്യാപനം നടത്തും. ഒപ്പം ദക്ഷിണ കൊറിയയുമായും അമേരിക്കയുമായും അടുത്ത ബന്ധം പുലര്‍ത്തുന്നതിന് അദ്ദേഹം സന്നദ്ധത പ്രകടിപ്പിക്കുകയും ചെയ്യുമെന്നാണ് കരുതുന്നത്.