കനത്ത മഴയും പ്രളയവും തുടരുന്നതിനാല് സംസ്ഥാനത്തെ 14 ജില്ലകളിലും റെഡ് അലര്ട്ട് പ്രഖ്യാപിച്ചു. മുഴുവന് ജില്ലകളിലും കനത്ത മഴയും നാശനഷ്ടങ്ങളും വര്ധിക്കുന്നതിനാല് അതീവ ജാഗ്രത നിര്ദ്ദേശമാണ് പ്രഖ്യാപിച്ചത്. തിരുവനന്തപുരം, കൊല്ലം ജില്ലകളിൽ നാളെവരെ ഓറഞ്ച് അലർട്ടായിരുന്നു ആദ്യം പ്രഖ്യാപിച്ചത്. എന്നാല് മഴകുറയാത്തതിനാല് മുഴുവന് ജില്ലകളിലും റെഡ് അലര്ട്ട് പ്രഖ്യാപിച്ചിരിക്കുകയാണ്. മഴക്കെടുതിയില് ഇന്ന് മാത്രം എഴുപേരാണ് മരിച്ചത്. ഈ മാസം ഒന്പതുമുതല് ഇതുവരെ മഴക്കെടുതിയില് 42 പേരാണ് മരിച്ചത്. സംസ്ഥാന സര്ക്കാരിന്റെ ഔദ്യോഗക കണക്കാണിത്. 12 ജില്ലകളിലാണ് ഇതിന് മുമ്പ് റെഡ് അലര്ട്ട് പ്രഖ്യാപിച്ചത്. മഴ രൂക്ഷമായതിനാല് നാല് ദിവസത്തേക്ക് നെടുമ്പാശ്ശേരി വിമാനത്താവളം അടച്ചിരിക്കുകയാണ്.
Comments