നെടുമ്പാശ്ശേരി സ്വര്‍ണക്കടത്ത് കേസ് എന്‍ഐഎ അന്വേഷിക്കണമെന്ന് സര്‍ക്കാര്‍ ചീഫ് വിപ്പ് പിസി ജോര്‍ജ്. തീവ്രവാദവും ഹവാലാ പണവും ഉള്‍പ്പെട്ട സ്ഥിതിക്ക് എന്‍ഐഎ അന്വേഷണം അനിവാര്യമാണെന്ന് പിസി ജോര്‍ജ് പറഞ്ഞു. ശരിയായ അന്വേഷണം നടത്തിയാല്‍ പല മാന്യന്മാരുടെയും മുഖംമൂടി അഴിഞ്ഞുവീഴും. ഇവിടെ നിയമ വ്യവസ്ഥ അട്ടിമറിക്കപ്പെടുന്നതിനാല്‍ ദൈവത്തിന്റെ നീതി നടപ്പിലാകുമെന്ന് പ്രതീക്ഷിക്കാമെന്നും പിസി പറഞ്ഞു.
കേസില്‍ പങ്കാളികളായ എല്ലാവരും രംഗത്ത് വരട്ടെ. ഹവാല ഇടപാടുകാരുമായി ബന്ധമുള്ള രാഷ്ട്രീയക്കാരും പുറത്തുവരട്ടെയെന്നും ജോര്‍ജ് പറഞ്ഞു.
Comments