You are Here : Home / News Plus

ജലന്ധര്‍ ബിഷപ്പിനെതിരായ കേസില്‍ അന്വേഷണം പൂര്‍ത്തിയാകാത്തത്‌ എന്തുകൊണ്ടെന്ന്‌ ഹൈക്കോടതി

Text Size  

Story Dated: Monday, September 10, 2018 11:07 hrs UTC

കൊച്ചി : ജലന്ധര്‍ ബിഷപ്പിനെതിരായ കേസില്‍ അന്വേഷണം പൂര്‍ത്തിയാകാത്തത്‌ എന്തുകൊണ്ടാണ്‌ എന്ന്‌ പൊലീസിനോട്‌ ഹൈക്കോടതി. നിയമം എല്ലാത്തിനും മീതെയാണ്‌ നില്‍ക്കുന്നത്‌. ഫ്രാങ്കോ മുളയ്‌ക്കലിനെതിരായ കേസിലെ അന്വേഷണ പുരോഗതി റിപ്പോര്‍ട്ട്‌ സമര്‍പ്പിക്കണമെന്നും കോടതി ആവശ്യപ്പെട്ടു. കേസില്‍ കുറ്റാരോപിതനായ ബിഷപ്പ്‌ ഫ്രാങ്കോ മുളയ്‌ക്കലിന്റെ അറസ്റ്റ്‌ വൈകുന്നുവെന്ന്‌ വാദിഭാഗം കോടതിയെ അറിയിച്ചപ്പോഴാണ്‌ കോടതി ഈ പരാമര്‍ശം നടത്തിയത്‌. പരാതിക്കാരിയായ കന്യാസ്‌ത്രീക്ക്‌ വധഭീഷണി ലഭിച്ചിട്ടും സുരക്ഷ നല്‍കാന്‍ പൊലീസ്‌ തയ്യാറാവുന്നില്ലെന്നും വാദിഭാഗം കോടതിയെ അറിയിച്ചു. ഇതോടെയാണ്‌ പരാതിക്കാരിക്ക്‌ പൊലീസ്‌ സുരക്ഷ നല്‍കണമെന്ന്‌ കോടതി നിര്‍ദ്ദേശിച്ചത്‌. ഇരയായ കന്യാസ്‌ത്രീയുടെ സുരക്ഷ ഉറപ്പാക്കുന്നതിന്‌ സ്വീകരിച്ച നടപടികള്‍ എന്തെല്ലാമാണെന്ന്‌ വ്യക്തമാക്കണമെന്ന്‌ സംസ്ഥാന സര്‍ക്കാരിനോടും ആവശ്യപ്പെട്ടിട്ടുണ്ട്‌. കേസ്‌ വ്യാഴാഴ്‌ച വീണ്ടും പരിഗണിക്കും

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From Featured News
View More