ഇക്കഴിഞ്ഞ കോമണ്‍വെല്‍ത്ത് ഗെയിംസില്‍ ചരിത്രനേട്ടം കുറിച്ച ഇന്ത്യന്‍ ടേബിള്‍ ടെന്നീസ് താരം മണിക ബത്രയടക്കമുള്ള ഏഴു താരങ്ങള്‍ക്ക് യാത്ര നിഷേധിച്ച് എയര്‍ ഇന്ത്യ. മെല്‍ബണില്‍ തിങ്കളാഴ്ച ആരംഭിക്കുന്ന ഐ.ടി.ടി.എഫ് ടൂര്‍ണമെന്റില്‍ പങ്കെടുക്കേണ്ട താരങ്ങളെ ഒഴിവാക്കി എയര്‍ ഇന്ത്യ വിമാനം മെല്‍ബണിലേക്ക് പറന്നു. ഇന്ദിരാഗാന്ധി രാജ്യാന്തര വിമാനത്താവളത്തില്‍ ഞായറാഴ്ചയായിരുന്നു സംഭവം. ഇക്കാര്യം ഇന്ത്യന്‍ താരം മണിക ബത്ര ട്വിറ്ററില്‍ കുറിച്ചതോടെയാണ് സംഭവം പുറത്തറിയുന്നത്.