അഹമ്മദാബാദ് മുനിസിപ്പൽ സ്കൂളുകളിൽ കുട്ടികൾക്ക് ഇനി മുടിവെട്ട് സൗജന്യം. 380 സ്കൂളുകളിലായി പ്രൈമറി ക്ലാസുകളിലെ 1.25 ലക്ഷം കുട്ടികളെ പദ്ധതിക്കുകീഴിൽ കൊണ്ടുവരാനാണ് പദ്ധതി. മാസത്തിലൊരിക്കലാണ് സൗജന്യ മുടിവെട്ട്. ശുചിത്വപദ്ധതിയായ ‘ഏക് കദം സ്വച്ഛതാ കി ഓറി’ൽ ഉൾപ്പെടുത്തി കുട്ടികളിൽ വ്യക്തിശുചിത്വശീലം വളർത്താൻ ലക്ഷ്യമിട്ടാണ് നടപടിയെന്ന് എ.എം.സി. സ്കൂൾ ബോർഡ് അഡ്മിനിസ്ട്രേറ്റീവ് ഓഫീസർ എൽ.ഡി. ദേശായി പറഞ്ഞു. ജൂലായ് അവസാനത്തോടെ പദ്ധതിക്ക് തുടക്കമാകും.