സംസ്ഥാന പോലീസ് മേധാവി നിയമനം യു.പി.എസ്.സിക്കു വിട്ടുകൊണ്ട് സുപ്രീംകോടതി മാര്ഗരേഖ പുറപ്പെടുവിച്ചു. രാഷ്ട്രീയ താത്പര്യം നോക്കി സംസ്ഥാന സര്ക്കാരുകള് ഡി.ജി.പിമാരെ നിയമിക്കാന് പാടില്ലെന്ന് മാര്ഗരേഖയില് പറയുന്നു. ഡി. ജി.പി. നിയമനത്തിന് മാര്ഗരേഖ കൊണ്ടുവരണം എന്നാവശ്യപ്പെടുന്ന ഹര്ജി ഏറെക്കാലമായി സുപ്രീംകോടതിയുടെ പരിഗണനയില് ഉണ്ടായിരുന്നു. ഈ ഹര്ജിയിലാണ് സുപ്രീംകോടതി ഉത്തരവ്. കേരളം അടക്കമുള്ള സംസ്ഥാനങ്ങള് ഡി.ജി.പി നിയമനവുമായി ബന്ധപ്പെട്ട ഉത്തരവുകള് പാലിച്ചില്ലെന്ന് ഹര്ജി പരിഗണിക്കവെ അറ്റോര്ണി ജനറല് കോടതിയെ അറിയിച്ചു.
Comments