തിരുവനന്തപുരം റെയിൽവെ സ്റ്റേഷനിൽ സിഗ്നൽ തകരാറിനെ തുടര്ന്ന് ട്രെയിനുകള് വൈകുന്നു. പാളത്തിൽ എഞ്ചിന് കുടുങ്ങിക്കിടക്കുന്നതിനാലാണ് സിഗ്നൽ തകരറിലായതെന്ന് റെയില്വെ അറിയിച്ചു. ഈ എഞ്ചിന് പാളത്തിൽ നിന്നു നീക്കിയതിന് ശേഷം മാത്രമേ ഗതാഗതം പുനഃസ്ഥാപിക്കാനാവൂ. യാര്ഡില് നിന്ന് പാളത്തിലേക്ക് കൊണ്ടുവന്ന എഞ്ചിന് രാവിലെയാണ് പാളത്തില് കുടങ്ങിയത്. ഇതോടെ ഓട്ടോമേറ്റഡ് സിഗ്നലിങ് സംവിധാനം തകരാറിലായി. രാവിലെ 9.42 ന് കൊച്ചുവേളിയിലെത്തിയ വഞ്ചിനാട് എക്സ്പ്രസ് 12 മണി വരെ കൊച്ചുവേളി സ്റ്റേഷനില് പിടിച്ചിട്ടു. തുടര്ന്ന് 12.30ഓടെ മറ്റൊരു പ്ലാറ്റ്ഫോമിലേക്ക് ഈ ട്രെയിന് എത്തിക്കുകയായിരുന്നു. ഇന്റർസിറ്റി, മലബാർ എക്സ്പ്രസ്, ബോംബൈ കന്യാകുമാരി എക്സ്പ്രസ്, ജയന്തി ജനത എക്സ്പ്രസ് എന്നിവ വൈകി ഓടുന്നു.
Comments