മലബാർ മെഡിക്കൽ കോളേജ് പ്രവേശനം റദ്ദാക്കിയ ഹൈക്കോടതി വിധി സുപ്രീംകോടതി റദ്ദാക്കി. മലബാര്‍ മെഡിക്കൽ കോളേജിലെ 10 വിദ്യാർഥികളുടെ പ്രവേശനമാണ് സുപ്രീംകോടതി ശരിവച്ചിരിക്കുന്നത്. പ്രവേശനം റദ്ദാക്കിയതിനെതിരെ കോഴിക്കോട്ടെ മലബാർ മെഡിക്കൽ കോളേജിലെ 10 വിദ്യാർഥികൾ നൽകിയ ഹർജിയിലായിരുന്നു സുപ്രീംകോടതിയുടെ വിധി. 2016-17 അധ്യയന വർഷം നടന്ന പ്രവേശനം ക്രമക്കേടുകൾ ചൂണ്ടിക്കാട്ടിയാണ് പ്രവേശന മേൽനോട്ട സമിതി റദ്ദാക്കിയത്. ഓണ്ലൈനിലിൽ അപേക്ഷ നൽകാത്ത വിദ്യാർഥികൾ മനെജ്മെന്റുമായി ഒത്തു കളിച്ചാണ് പ്രവേശനം നേടിയതെന്നാണ് കമ്മറ്റിയുടെ വാദം. ഈ വാദത്തെ സംസ്ഥാന സർക്കാരും പിന്തുണച്ചിരുന്നു.