You are Here : Home / Readers Choice

മാതാവിന്‍രെ അശ്രദ്ധ: രണ്ടു വയസ്സുകാരി കാറിലിരുന്ന് ചൂടേറ്റ് മരിച്ചു

Text Size  

പി .പി .ചെറിയാൻ

p_p_cherian@hotmail.com

Story Dated: Monday, July 20, 2015 07:53 hrs EDT

ഡാളസ് : മാതാവിന്റെ അശ്രദ്ധമൂലം പുറകിലെ സീറ്റില്‍ ബല്‍റ്റിട്ടിരുന്ന 2 വയസ്സുക്കാരി വീടിനു മുമ്പില്‍ പാര്‍ക്ക് ചെയ്ത കാറിലിരുന്ന് ചൂടേറ്റ് മരിച്ച സംഭവം വെള്ളിയാഴ്ച ഡാളസ്സില്‍ നിന്നും റിപ്പോര്‍ട്ട് ചെയ്യപ്പെട്ടു.
ഡാളസ്സിലെ ഫെയര്‍ പാര്‍ക്കിലേക്ക് 7 കുട്ടികളേയും കൊണ്ടാണ് മാതാവ് പുറപ്പെട്ടത്. മടങ്ങി വന്നതിനുശേ,ം കാര്‍ വീടിനു മുമ്പില്‍ പാര്‍ക്ക് ചെയ്ത കുട്ടികളെ അകത്തേക്ക് കയറ്റിവിട്ടു. എല്ലാവരേയും കാറില്‍ നിന്നും ഇറക്കിയെന്നാണ് മാതാവ് കരുതിയത്. കുറച്ചു കഴിഞ്ഞു. കുട്ടികളെ എണ്ണിനോക്കിയപ്പോള്‍ 2 വയസ്സുക്കാരിയെ കാണാനില്ല. ഉടനെ അന്വേഷണമാരംഭിച്ചു. ഇതിനെ തുടര്‍ന്ന് നടത്തിയ അന്വേഷണത്തില്‍ കുട്ടി കാര്‍ സീറ്റില്‍ ഇരിക്കുന്നതായി കണ്ടെത്തി. പിതാവ് ഉടനെ സി.പി.ആര്‍. നല്‍കി ആശുപത്രിയിലെത്തിച്ചുവെങ്കിലും കുട്ടി മരിച്ചിരുന്നു.

മരണത്തെകുറിച്ചു പോലീസ് അന്വേഷണം ആരംഭിച്ചു. മാതാവിന്റെ പേരില്‍ ഇതുവരെ കേസ്സു ചാര്‍ജ്ജ് ചെയ്തിട്ടില്ല.

ഈ സീസണില്‍ ടെക്‌സസ്സില്‍ താപനില ട്രിപ്പിള്‍ ഡിജിറ്റില്‍ എത്തിയതിനുശേഷം കാറിലിരുന്ന് സൂര്യതാപമേറ്റ് മരിച്ച സംഭവം ആദ്യമായാണ് റിപ്പോര്‍ട്ട് ചെയ്യപ്പെട്ടത്. കുട്ടികളേയും, വളര്‍ത്തു മൃഗങ്ങളേയും കാറില്‍ കൊണ്ടു പോകുന്നവര്‍ യാതൊരു കാരണവശാലും കുട്ടികളെ കാറിനകത്താക്കി പുറത്തുപോകരുതെന്ന് നേരത്തെ തന്നെ പോലീസ് മുന്നറിയിപ്പു നല്‍കിയിരുന്നു.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From Featured News
View More