You are Here : Home / Readers Choice

ഡ്രൈവിംഗ്‌്‌ ലൈസന്‍സ്‌ പുതുക്കാന്‍ ന്യൂജേഴ്‌സിയില്‍ ഇനി പുതിയ നിയമം

Text Size  

ജോര്‍ജ്ജ് തുമ്പയില്‍

thumpayil@aol.com

Story Dated: Tuesday, June 13, 2017 11:46 hrs UTC

ന്യൂജേഴ്‌സി: ഡ്രൈവിംഗ്‌ ലൈസന്‍സ്‌ പുതുക്കാന്‍ ന്യൂജേഴ്‌സിയില്‍ ഇനി പുതിയ നിയമം. ഡ്രൈവിംഗ്‌ ലൈസന്‍സ്‌ പുതുക്കുന്നരീതി മാറ്റുന്നതു സംബന്‌ധിച്ച്‌ പുതിയ നിയമത്തില്‍ ഗവര്‍ണര്‍ ക്രിസ്‌ ക്രിസ്റ്റി ഒപ്പുവച്ചു. ലൈസന്‍സ്‌ ഇഷ്യു ചെയ്‌ത ദിനത്തിലല്ല, മറിച്ച്‌ ഓരോ നാലു വര്‍ഷത്തിലും ഡ്രൈവറുടെ ജന്‍മദിനത്തിലാണ്‌ ഇനി ഡ്രൈവിംഗ്‌ ലൈസന്‍സുകളുടെ കാലാവധി കഴിയുക. ഗവര്‍ണര്‍ വെള്ളിയാഴ്‌ച ഒപ്പുവച്ച പുതിയ നിയമം ഈ മാസാവസാനം മോട്ടോര്‍ വീഹ്‌കിള്‍ ഓഫിസുകളില്‍ എത്തുമെന്ന്‌ പ്രതീക്ഷിക്കുന്നു. മോട്ടോര്‍ വീഹ്‌കിള്‍ ഓഫിസുകളിലെ നീണ്ട കാത്തിരിപ്പിന്‌ വിരാമമിടാന്‍ പുതിയ നിയമം പരിഹാരമാകുമെന്ന്‌ കരുതുന്നു. നിലവിലെ നിയമപ്രകാരം, ലൈസന്‍സ്‌ ഇഷ്യു ചെയ്‌ത ശേഷമുള്ള 48-ാം മാസത്തിലെ അവസാനദിനത്തിലാണ്‌ ലൈസന്‍സ്‌ കാലാവധി കഴിയുക. പുതിയ രീതി കസ്റ്റമേഴ്‌സിന്‌ വളരെ സൗകര്യപ്രദമാകുമെന്ന്‌ റിപ്പബ്ലിക്കന്‍ അസംബ്ലിമാന്‍ അന്തോണി ബക്കോ പറഞ്ഞു. ന്യൂജേഴ്‌സി അസംബ്ലി കഴിഞ്ഞ ഡിസംബറില്‍ ഈ നിയമം പാസാക്കിയിരുന്നു.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From Featured News
View More