You are Here : Home / Readers Choice

ട്രംപിന് അഭിനന്ദനം അറിയിച്ചു മാര്‍പാപ്പയുടെ സന്ദേശം

Text Size  

പി .പി .ചെറിയാൻ

p_p_cherian@hotmail.com

Story Dated: Saturday, January 21, 2017 07:48 hrs EST

വാഷിങ്ടന്‍: അമേരിക്കന്‍ പ്രസിഡന്റായി അധികാരമേറ്റെടുത്ത ഡോണാള്‍ഡ് ട്രംപിന് ആശംസകള്‍ നേര്‍ന്നു കൊണ്ട് പോള്‍ ഫ്രാന്‍സിസ് മാര്‍പാപ്പ സന്ദേശം അയച്ചു. അമേരിക്കയുടെ ഭാവി രൂപപ്പെടുത്തുന്നതിന് മൂല്യങ്ങളില്‍ ഊന്നികൊണ്ടുള്ള തീരുമാനങ്ങള്‍ എടുക്കുന്നതിന് പ്രസിഡന്റിന് കഴിയട്ടെ എന്നു സര്‍വ്വശക്തനായ ദൈവത്തോട് പ്രാര്‍ഥിക്കുന്നതായി സന്ദേശത്തില്‍ പറയുന്നു. ലോക മാനവ സമൂഹം ഇന്നഭിമുഖീകരിക്കുന്ന പ്രശ്‌നങ്ങള്‍ പരിഹരിക്കുന്നതിനും പാവപ്പെട്ടവരുടേയും നിഷ്‌കാസിതരുടേയും ഉന്നമനത്തിനും കഴിഞ്ഞ കാലങ്ങളില്‍ അമേരിക്കന്‍ ജനത നിര്‍വ്വഹിച്ച ചരിത്രപരമായ കടപ്പാടുകള്‍ തുടര്‍ന്നും നിറവേറ്റി ലോകത്തിന് ഒരു മാതൃകയായി രാജ്യത്തെ വാര്‍ത്തെടുക്കുന്നതിന് പ്രസിഡന്റിന്റെ നേതൃത്വത്തിലുള്ള ഭരണത്തിന് കഴിയുമെന്നും പോപ്പ് പ്രത്യാശ പ്രകടപ്പിച്ചു. ട്രംപിനും കുടുംബാംഗങ്ങള്‍ക്കും അമേരിക്കന്‍ ജനതയ്ക്കും ആത്മീകവും ഭൗതീകവുമായ എല്ലാ അനുഗ്രഹങ്ങളും ലഭിക്കുന്നതിന് ദൈവത്തോട് പ്രാര്‍ഥിക്കുന്നു എന്ന് ഉറപ്പു നല്‍കി കൊണ്ടാണ് പോപ്പ് തന്റെ സന്ദേശം അവസാനിപ്പിച്ചിരിക്കുന്നത്.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From Featured News
View More