ഇന്റര്‍വ്യുകളില്‍ കള്ളം പറയാറുണ്ടെന്നും ഇഷ്ടപ്പെടാത്ത സിനിമയെ പുകഴ്ത്തി പറഞ്ഞിട്ടുണ്ടെന്നും മോഹന്‍ലാല്‍. മഴവില്‍ മനോരമയ്ക്ക് നല്‍കിയ അഭിമുഖത്തിലെ ഷൂട്ടൗട്ട് റൗണ്ടിലാണ് താരത്തിന്റെ ഈ വെളിപ്പെടുത്തല്‍. ആ അഭിമുഖത്തിലും ശരിയല്ലാത്ത കാര്യങ്ങള്‍ പറഞ്ഞിട്ടുണ്ടെന്ന് മോഹന്‍ലാല്‍ ഒരു ചിരിയോടെ സമ്മതിച്ചു. കൂടെ അഭിനയിച്ചവരോട് പ്രണയം തോന്നിയിട്ടുണ്ടെന്നും ആദ്യ കാഴ്ചയില്‍ പ്രണയം തോന്നിയിട്ടുണ്ടെന്നും താരം വ്യക്തമാക്കി. പ്രായം കുറച്ചു പറയാറുണ്ടോ എന്ന ചോദ്യത്തിന് മാത്രമാണ് മോഹന്‍ലാല്‍ ഇല്ല എന്ന ഉത്തരം നല്‍കിയത്.