സാള്‍ട്ട്​ലേക്ക്​ മൈതാനിയില്‍ ആവേശകരമായ പെനാല്‍റ്റി ഷൂട്ടൗട്ടിലേക്ക്​​ നീങ്ങിയ സന്തോഷ്​ ട്രോഫി ഫൈനലില്‍ ബദ്ധവൈരികളായ ബംഗാളിനെ തകര്‍ത്ത്​ കേരളത്തിന്​ ആറാം കിരീടം. പതിനാല്​ വര്‍ഷത്തിന്​ ശേഷമാണ് കേരളം​ സന്തോഷ്​ ട്രോഫി കിരീടത്തില്‍ മുത്തമിടുന്നത്​. ഫലം: കേരളം 6-4 ബംഗാള്‍

നിശ്ചിത സമയത്തില്‍ 1-1 എന്ന സമനിലയിലായിരുന്നു ഇരു ടീമുകളും. അധിക സമയത്തി​​​​​​​​​​​​​െന്‍റ രണ്ടാം പകുതിയില്‍ ഒാരോ ഗോളുകള്‍ വീതം വീണ്ടും അടിച്ച്‌​ 2-2 എന്ന നിലയില്‍ സമാസമമായി തുടര്‍ന്നു. എന്നാല്‍ പെനാല്‍റ്റിയിലേക്ക്​​ നീങ്ങിയതോടെ മത്സരം കേരളത്തി​​​​​​​​​​​െന്‍റ വരുതിയിലേക്ക്​ വന്നു​. ​​ബംഗാളി​​​​​​​​​​​​​െന്‍റ ആദ്യത്തെ രണ്ട്​ അവസരങ്ങള്‍ തടഞ്ഞിട്ട്​ കേരളാ ഗോളി വി. മിഥുനാണ്​ കിരീട നേട്ടത്തില്‍ നിര്‍ണായക പങ്കുവഹിച്ചത്​.

രാഹുല്‍ വി. രാജ്, ജിതിന്‍ ഗോപാലന്‍, ജസ്റ്റിന്‍, സീസണ്‍ എന്നിവര്‍ കേരളത്തിനായി പെനാല്‍റ്റിയില്‍ ലക്ഷ്യം കണ്ടു. ക്യാപ്റ്റന്‍ ജിതേന്‍ മുര്‍മുവിനെ ഗോള്‍കീപ്പറാക്കി ബംഗാള്‍ ചെറിയൊരു പരീക്ഷണം നടത്തി നോക്കിയെങ്കിലും ഫലം കണ്ടില്ല.

2004ല്‍ പഞ്ചാബിനെ തകര്‍ത്താണ്​ കേരളം അവസാനമായി സന്തോഷ്​ ട്രോഫി നേടിയത്​. ഡല്‍ഹിയിലായിരുന്നു മത്സരം. 2013ല്‍ ഫൈനലിലെത്തിയെങ്കിലും സര്‍വീസസിനോട്​ പരാജയപ്പെട്ടു. നീണ്ട 14 വര്‍ഷത്തിന്​ ശേഷം കരുത്തരായ ബംഗാളിനെ ആദ്യമായി ഫൈനലില്‍ കീഴടക്കി ഒരിക്കല്‍ കൂടി കിരീടം മലയാള മണ്ണിലേക്ക്​ എത്തിച്ചിരിക്കുകയാണ്​ സതീവന്‍ ബാല​​​​​െന്‍റ ചുണക്കുട്ടികള്‍.

ആദ്യ പകുതി കേരളത്തിന്​.

കളി തുടങ്ങിയത്​ മുതല്‍ ബംഗാളി​​​​​െന്‍റ ആക്രമണമായിരുന്നു സാള്‍ട്ട്​ലേക്ക്​ മൈതാനിയില്‍. 9ാം മിനിറ്റില്‍ തന്നെ ഫ്രീകിക്കിലൂടെ കേരളത്തിന്​ മികച്ച അവസരം ലഭിച്ചിരുന്നുവെങ്കിലും ഗോളാക്കി മാറ്റാനായില്ല. എന്നാല്‍ 19ാം മിനിറ്റില്‍ ബംഗാളി​​​​​െന്‍റ ഒരു മുന്നേറ്റം തകര്‍ത്ത്,​ കൈക്കലാക്കിയ പന്തുമായി കേരളാ ടീം കുതിച്ചു. എം.എസ് ജിതി​​​​​​​​​ന്​ ഗ്രൗണ്ടി​​​​​െന്‍റ മധ്യ ഭാഗത്തുനിന്നും സീസണ്‍ നല്‍കിയ പാസ്​ ലക്ഷ്യം തെറ്റാതെ ബംഗാളി​​​​​െന്‍റ വലയിലേക്ക്​.

ഗോള്‍ മടക്കാന്‍ ബംഗാളും ലീഡുയര്‍ത്തി കിരീട സാധ്യത നിലനിര്‍ത്താന്‍ കേരളവും ആദ്യ പകുതിയില്‍ കിണഞ്ഞു ശ്രമിച്ചെങ്കിലും അവസരങ്ങള്‍ മുതലാക്കാനായില്ല. സെമിയിലെ താരം അഫ്​ദലും ആദ്യ ഗോള്‍ നേടിയ ജിതിനും​ ഒന്നിലധികം അവസരങ്ങള്‍ കളഞ്ഞു കുളിച്ചു.

പ്രതീക്ഷ തകര്‍ത്ത രണ്ടാം പകുതി

68ാം മിനിറ്റിലാണ്​ കേരളാ ടീമി​​​​​െന്‍റ ആവേശം കെടുത്തിയ ഗോള്‍ പിറന്നത്​. രാജന്‍ ബര്‍മ​​​​​െന്‍റ അളന്നു മുറിച്ച ക്രോസ്​ ബംഗാള്‍ നായകന്‍ ജിതേന്‍ മുര്‍മു ഗോള്‍ വലയിലെത്തിച്ചു. രണ്ടാം പകുതിയില്‍ ബംഗാളി​​​​​െന്‍റ പ്രതിരോധനിര പലഘട്ടങ്ങളിലും പതറിയെങ്കിലും കേരള നിരക്ക് മുതലെടുക്കാനാവാതെ പോവുകയായിരുന്നു​.

നാടകീയമായ അധിക സമയം

ആക്രമ പ്രത്യാക്രമണങ്ങള്‍ കൊണ്ട്​ സജീവമായ അധിക സമയത്തില്‍ ബംഗാളി​​​​​െന്‍റ രാജന്‍ ബര്‍മന്‍ കേരളാ ഗോളിയെ വീഴ്​ത്തി ചുവപ്പ്​ കാര്‍ഡ്​ കണ്ടു. തുടര്‍ന്ന് പത്തുപേരുമായാണ്​ അവര്‍​ കളിച്ചത്​.

അധിക സമയത്തി​​​​​െന്‍റ അവസാനം നാല്​ മിനിറ്റ്​ ബാക്കി നില്‍കെ അതിമനോഹരമായ ഹെഡ്ഡറിലൂടെ കേരളത്തിന്​ വേണ്ടി ബിപിന്‍ തോമസ്​ ലീഡുയര്‍ത്തി. 2-1ന്​ കേരളം മുന്നില്‍. എന്നാല്‍ കളി തീരാന്‍ സെക്കന്‍റുകള്‍ക്ക്​ മുമ്ബ്​ ലഭിച്ച ഫ്രീകിക്ക്​ ബംഗാള്‍ താരം തിര്‍ങ്കര്‍ സര്‍ക്കാര്‍ ഉന്നം തെറ്റാതെ കേരളാ പോസ്​റ്റിലേക്ക്​ കയറ്റിയതോടെ മത്സരം നിരാശ സമനിലയിലേക്ക്​. പെനാല്‍ട്ടി ഷൂട്ടൗട്ടിലേക്ക് നീങ്ങിയെങ്കിലും ഫലം: കേരളത്തിന്​ ആറാം കിരീടം​​.