You are Here : Home / News Plus

കോട്ടയത്ത് ഇന്ധനടാങ്കർ ട്രെയിന് തീപിടിച്ചു

Text Size  

Story Dated: Friday, September 14, 2018 11:31 hrs UTC

കോട്ടയത്ത് ഇന്ധനടാങ്കർ ട്രെയിന് തീപിടിച്ചു. ഉടൻ തീയണച്ചതിനാൽ അപകടം ഒഴിവായി. ട്രെയിന് തീപിടിച്ചതോടെ കോട്ടയം വഴിയുള്ള ട്രയിൻ ഗതാഗതം രണ്ട് മണിക്കൂർ തടസപ്പെട്ടു. ഇരുമ്പനം ഐഒസി പ്ലാന്‍റില്‍ ഇന്ധനം നിറച്ച് തിരുനെൽവേലിക്ക് പോയ ട്രെയിന്‍ ഉച്ചയ്ക്ക് ഒരു മണിയ്ക്കാണ് തീപിടിച്ചത്. ആറ് ടാങ്കറുകൾ ചോർന്നു. മുട്ടമ്പലം റെയിൽവേ ഗേറ്റിന് സമീപം ട്രെയിൻ എത്തിയപ്പോൾ ഏറ്റവും പിറകിലെ ടാങ്കർ നിറഞ്ഞ് തുളുമ്പി ട്രാക്കിൽ ഇന്ധനം വീണത്.  വൈദ്യുതി ലൈനിൽ നിന്ന് തീപ്പൊരി വീണതോടെ ടാങ്കറിന് തീപിടിച്ചു. നാട്ടുകാർ വിവരം അറിയിച്ചതിനെത്തുടർന്ന് ഫയർഫോഴ്സ് ഉടൻ തീയണച്ച് അപകടം ഒഴിവാക്കി. പരിശോധനയ്ക്കായി ട്രെയിൻ ചിങ്ങവനത്തും ചങ്ങനാശേരിയിലും പിടിച്ചിട്ടു. അപകടകരമായ നിലയിൽ നിറഞ്ഞുനിന്ന ടാങ്കറിൽ നിന്നും ഇന്ധനം പുറത്തേക്കൊഴുകിയതാണ് തീ പടരൻ കാരണം. കവിഞ്ഞൊഴുകും വിധം ഇന്ധനം നിറച്ച ഐഒസിയ്ക്ക് വീഴ്ച്ച സംഭവിച്ചുവെന്നാണ് പ്രാഥമിക നിഗമനം. രണ്ട് മണിക്കൂറോളം കോട്ടയം വഴിയുള്ള  ട്രെയിനുകൾ പിടിച്ചിട്ടതിനാൽ യാത്രക്കാർ വലഞ്ഞു.

    Comments

    നിങ്ങളുടെ അഭിപ്രായങ്ങൾ


    PLEASE NOTE : അവഹേളനപരവും വ്യക്തിപരമായ അധിഷേപങ്ങളും അശ്ലീല പദപ്രയോഗങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. അശ്ലീല അഭിപ്രായങ്ങള്‍ പോസ്റ്റ് ചെയ്യുന്നതല്ല.







More From News Plus
More
View More
More From Featured News
View More