പ്രളയദുരിതത്തില് നിന്ന് സംസ്ഥാനത്തൊട്ടാകെ ശമനം വന്നിട്ടും ചെങ്ങന്നൂരില് മാറ്റമില്ലാതെ തുടരുന്നു. ഇപ്പോളും നൂറുകണക്കിന് പേര് വിവിധയിടങ്ങളില് കുടുങ്ങി കിടക്കുന്നതായാണ് റിപ്പോര്ട്ടുകള്. രക്ഷാപ്രവര്ത്തകര്ക്ക് എത്തിപ്പെടാന് പറ്റാത്ത ഇടങ്ങളിലാണ് ആളുകള് കുടുങ്ങി കിടക്കുന്നത്. ഭക്ഷണവും വെള്ളവും ഇല്ലാതെയാണ് ഇവര് ഇവിടെയുള്ളത്. ഹെലികോപ്റ്ററടക്കമുള്ള സംവിധാനങ്ങള് ഉപയോഗിച്ചുള്ള രക്ഷാപ്രവര്ത്തനം തുടരുകയാണ്. കുടുങ്ങി കിടക്കുന്നവര്ക്ക് അടിയന്തരമായി ഭക്ഷണം എത്തിച്ച് നല്കുന്നതിനുള്ള നടപടികള്ക്കാണ് അധികൃതര് ഇപ്പോള് മുന്ഗണന നല്കുന്നത്. വെള്ളം താഴ്ന്ന് വരുന്നത്കൊണ്ട് വലിയ ബോട്ടുകള് ഇറക്കാനവാത്ത സ്ഥിതിയുമുണ്ട്.
Comments