ഷിക്കാഗോ: ഷിക്കാഗോ അതിരൂപതയിലെ മലയാളി കത്തോലിക്കരുടെ ഇടവക ദേവാലയമായ മോര്‍ട്ടന്‍ഗ്രോവ് സെന്റ് മാര്‍ത്താ പള്ളിയിലെ അഞ്ചാം വാര്‍ഷികാഘോഷ പരിപാടികളില്‍ ഷിക്കാഗോ രൂപതാ സഹായ മെത്രാന്‍ ഫ്രാന്‍സീസ് കെയിന്‍ പിതാവ് പങ്കെടുക്കും. സെപ്റ്റംബര്‍ പത്താംതീയതി ഞായറാഴ്ച വൈകുന്നേരം 5 മണിക്ക് നടക്കുന്ന ആഘോഷമായ ദിവ്യബലിയില്‍ പിതാവ് മുഖ്യ കാര്‍മികത്വം വഹിക്കും. അന്നേദിവസം തന്നെ ദിവ്യബലിക്കുശേഷം നടക്കുന്ന ഓണാഘോഷ പരിപാടികളിലും ഫ്രാന്‍സീസ് പിതാവ് പങ്കെടുക്കും. ഭക്തിനിര്‍ഭരമായ ദിവ്യബലിയിലും അതിനുശേഷം നടക്കുന്ന ഓണാഘോഷ പരിപാടികളിലും പങ്കെടുക്കുന്നതിനായി എല്ലാവരേയും ക്ഷണിക്കുന്നതായി ഫാ. ആന്റണി ബെനഡിക്ട് അറിയിച്ചു.