ഗാർലന്റ് (ടെക്സാസ്) ∙ ടെക്സാസിലെ ഗാർലന്റിൽ നിന്നുളളഎട്ട് വയസുകാരിക്ക് യൂണിവേഴ്സിറ്റി ഓഫ് നോർത്ത് ടെക്സാസിൽ പ്രവേശനം ലഭിച്ചു. പ്രവേശനത്തോടൊപ്പം 10,000 ഡോളറിന്റെ സ്കോളർഷിപ്പും ! ഗാർലന്റ് വാട്ട്സൺ ടെക്നോളജി സെന്ററിലെ വിദ്യാർത്ഥികളെ അവേശഭരിതരാക്കുന്നതിനുളള സന്ദേശം ദിവസവും നൽകിയത് യൂണിവേഴ്സിറ്റി അധികൃതരുടെ ശ്രദ്ധയിൽപ്പെട്ടതാണു പ്രവേശനം ലഭിക്കുന്നതിനിടയാക്കിയത്. ജോർഡിൻ ഫിപ്പ്സ് ദിവസം ആവർത്തിച്ചിരുന്ന ഒരു വാചകമാണ് സോഷ്യൽ മീഡിയായിൽ വൈറലായത്. ഐആം സ്മാർട്ട്, ഐ ആം എ ലീഡർ ഫെയ്‍ലിയർ ഈസ് നോട്ട് ആൻ ഓപ്ഷ്ൻ ഫോർ മീ’ ( I am Smart , I am a Leader, Failure is not am option for me) ജോർഡിന്റെ മാതാവ് ഈ വാചകങ്ങൾ വീഡിയോയിൽ റിക്കാർഡ് ചെയ്തു സോഷ്യൽ മീഡിയായിൽ റിലീസ് ചെയ്തിരുന്നു. യൂണിവേഴ്സിറ്റി അധികൃതർ ഗാർലന്റിൽ എത്തിയാണ് ജോർഡിന്റെ പ്രവേശനത്തെക്കുറിച്ചുളള വിവരം നൽകിയത്. 38,000 വിദ്യാർത്ഥികളുളള സ്റ്റേറ്റ് യൂണിവേഴ്സിറ്റിയിൽ ഏറ്റവും പ്രായം കുറവാണ് ജോർഡിന്. അധ്യാപികയായ മാതാവിനെപോലെ അധ്യാപിക ആകണമെന്ന മോഹമാണ് ജോർഡിനുളളത്.